شكلي زعلتك يا وطن

شكلي زعلتك ياوطن عشان بنيت في الغربة بيت آسف شديد حقك علي باكر بجي وبرجع اجيك تحرمني ليه أنا ياقدر ربيت طفولتي على الفريق والضحكة والليل والسهر واللمة حلوة مع الحنان تكفينا بس شوفة القمر اصلو كيف ارحل واروح واترك وطن مليان سماد وابحث ورا القرش البروح واحصد ورق اخرو رماد اه ياوطن كان تسألني كيف بعدك بكون كان تسألني بس وشوف الجواب اصبحت معدوم للمشي اصبحت مخلص للغريب اصلو الغريب اصبح قريب وانت البعيد وانا السبب عارف السبب جابو شنو؟ نحنا بنحارب بعض مثال صغير زولا جنوبي وداك شمالي جنسك شنو؟ هدا السبب عرفت كيف ياوطن انا ليه بنيت في الغربة بيت برضي آسف ليك شديد بس خلاص عمري هرب و شكلي اصبح زول كبير والتجاعيد ياها ظهرت ولسه ناس متفرقة ممكن عديل ياكلو بعض عشان قرش . تف في القروش بتخلي زول يترك وطن ويسيب حنان أجمل أهل آسف شديد حقك علي أنا ياوطن آسف شديد يلا نغير الفكرة ونخلي وطن الشموخ أجمل وطن ويرجع الدكتور للاهلو والمزارع برضو يرجع نزرع النيل بالمحبه وحبه حبه نبقي جنه كيف تقول باكر بجي ؟ ياخ نيلين ما كفايا وفيها بترول من دمايا وفيها تراهاقا حمايا نحن جند الله وقايا فيها فاطمه السمحه زاتا وفيها مطره تقول كفايا يلا معاي نترك الطلاقات لفرحي ويوم تغني لي امي جانا احمد بالفرح ويضرب الشبال لطارو ويغني محسي بالرطانه ويغني نوبي الكان حمانا ويغني غرباوي النغاره اصلو كسلا فيها لكنه وسيفو مربوط بي عنايه نبدل الطلقات لغنيه نخلي كل سلاحا يعزف بدل نيتم في الغلابا ويبقي كل سودانا اخضر وكل غريب يرجع معايا